Selasa, 11 Januari 2011

Layang Kangen

Shabrina WS
Tak tulis layangku marang sliramu, soko kene ning pengasingan kene. Karo roso ati sing remuk, ajur mumur dadi siji. Iki kabeh dudu kareping atiku. Kabeh sarwo ndadak. Yo, kawitane esuk iku.
Aku ketemu wong klambi ireng, nggowo motor biru. Koyo biasane aku nyedak, ora ono roso aneh. Nanging, moro-moro aku dibungkem, dibondo tangan lan sikilku terus dilebokne karung, ditaleni karo motor. Aku ora sempat ngelawan. Tanpo omong sak kecap, motor di playokne.
Aku wis mbengok, njaluk tulung. Nanging,wong-wong ming podho nonton, malah enek sing ngguyu. Aku ngarep-ngarep sliramu ngerti. Sak ora-orane enek sing ngabarne kedadian iki.
Ning kene, ning pengasingang kene, wis ora kurang-kurang anggonku nggolek coro supoyo aku biso bali. Nanging rasane aku wis ora ngerti dalan mulih.
Saben wengi, aku nulis layang kangen iki, kangen marang sliramu, marang anak-anakku. Nanging aku sadar, layang iki ora bakal kok tompo.
Mung siji sing tak rasakne, atiku remuk. Aku sing mbiyen preman kucing kampung sing tansah ngayomi sliramu, saiki dadi gembel eneng nggon penampungan sampah.
Rino wengi sing tak jaluk, sliramu lan anak-anak ora ngalami nasib koyo aku. Sing sabar yo, pus Tower.

Tidak ada komentar:

Posting Komentar

Related Posts Plugin for WordPress, Blogger...